Дар гузориши БелаПАН оид ба таҳлили қурби доллари ИМА дар кишварҳои собиқи шӯравӣ зикр мегардад, ки моҳи августи соли равон қурби доллари ИМА дар Тоҷикистон ба андозаи 0,02% коҳиш ёфтааст.

Тибқи маълумоти гузориш, дар Озарбойҷон қурби доллари ИМА – 0,01%, Литва – 0,12%, Қазоқистон – 0,21%, Қирғизистон – 0,31%, Латвия – 0,38% ва Арманистон 0,86% поин рафтааст.

Дар ҳамин ҳол, қурби расмии доллари ИМА дар Белорус – 1,24, Русия – 1,09, Ӯзбекистон – 0,79, Молдова – 0,68, Гурҷистон – 0,45 ва Эстония – 0,31% афзудаанд. Дар Туркманистону Украина қурби доллари ИМА тағйир наёфтааст.

Дар зарфи ҳашт моҳи соли равон қурби доллари ИМА дар Русия – 9,46, Ӯзбекистон – 7,08, Молдова – 6,23, Белорус – 4,90, Қирғизистон – 2,79, Қазоқистон – 1,37, Арманистон – 0,66, Гурҷистон – 0,29 ва Тоҷикистон – 0,06% афзудааст.

Дар Туркманистону Украина қуби доллари ИМА дар ин давра тағйир наёфта, дар Озарбойҷон ба андозаи – 0,08, Литва – 0,20, Эстония – 0,30 ва Латвия – 0,56% поин рафтааст.