Дар гузориши ҳамасолаи Маркази таҳқиқоти ҳамгиройиии Бонки авруосиёии рушд (БАОР) таҳти унвони «Мониторинги сармоягузориҳо дар кишварҳои ИДМ – 2013» зикр мегардад, ки ҳаҷми маблағгузории мутақобилаи хориҷии захирашудаи мустақими кишварҳои зуви ИДМ қариб 54 млрд. доллари ИМА-ро ташкил дода, дар зарфи се соли баъдибуҳронӣ ба андозаи 32% афзудаанд.

Гуфта мешавад, миёни сармоягузорон ширкатҳои русиягӣ пешсафанд. Аз рӯи ҷамъбасти натиҷаҳои соли 2012, 82,7% (44,5 млрд. $)-и ҳаҷми маблағгузории андӯхташудаи мутақобилаи хориҷӣ ба Русия рост омада, муомилоти бузургҳаҷм низ аз ҷониби ширкатҳои русиягӣ амалӣ шудаанд.

Тибқи гузориш, сармоягузоронии бузурги минбаъда дар минтақа Қзоқистон – 5,62 млрд. $, Украина – 1,57 млрд. $, Озарбойҷон – 1,55 млрд. $ ва Белорус – 0,40 млрд. $ мебошанд.  Дар гузориш ҳиссаи дигар кишварҳо дар ҳаҷми умумии маблағгузории андӯхташудаи мутақобилаи хориҷӣ ночиз арзёбӣ мешавад.

Аз рӯи ҷалби сармоягузорӣ Украина пешсаф буда, 17,1 млрд. доллари ИМА маблағгузорӣ ба он рост меояд. Ҳаҷми сармоягузории андӯхташудаи мустақими хориҷии Тоҷикистон ба аввали соли равон 1 млрд. доллари ИМА (комилан аз ҳисоби сармоягузории Русия)-ро ташкил медиҳад.