Рӯзи 12-уми сентябр дар қароргоҳи беруназшаҳрии ҳукумати Тоҷикистон «Пуғус», воқеъ дар ноҳияи Варзоб ҳамоиши тиҷоратии соҳибкрони Тоҷикистиону Олмон доир мегардад.

Тавре ба ОИ «Азия-Плюс» аз Кумитаи давлатии сармоягузорӣ ва идораи амволи давлатии ҶТ хабар доданд, ба ҳайати тоҷирони Олмон беш аз 40 нафар соҳибкорон шомиланд, ки ширкатҳои гуногунро намояндагӣ мекунанд. Ҳайати Тоҷикистон дар ин ҳамоиш аз ҳудуди 150 нафар тоҷирон иборат аст.

Ба иттилои манбаъ, зимни вохӯриву гуфтушунидҳо баррасии роҳандозии ҳамкориҳои мутақобилан судманд дар самтҳои гуногун дар назар аст. Сафари ҳайати тоҷирони Олмон ба ҷумҳурӣ рӯзи 14-уми сентябр ба итмом мерасад.