Оғоз аз таърихи 2-юми октябри соли ҷорӣ дар Бонки давлатии амонатгузории Ҷумҳурии Тоҷикистон «Амонатбонк» низоми нави интиқоли маблағҳо бо пули миллӣ бо унвони «Дастрас» мавриди истифода қарор гирифт, ки ин низоми интиол бевосита дар дохили Ҷумҳурӣ фаъол аст.

Бо ибтикори роҳбарияти Бонки давлатии амонатгузории ҶТ «Амонатбонк» Идораи технологияи иттилотӣ ва Идораи ҳисоббаробаркунии Бонк тасмим гирифтанд барномаи нави интиқоли маблағҳо бо пули миллиро тарҳрезӣ намоянд.

Дар раванди иҷроиши супориши роҳбарияти Бонк оғоз аз таърихи 2-юми октябри соли ҷорӣ низоми интиқоли нав бо пули миллӣ «Дастрас» мавриди истифода қарор гирифт.

Лозим ба ёдоварист, ки низоми мазкур бевосита дар дохили ҷумҳурӣ фаъол буда мизоҷони Амонатбонк ва ҳамчунин дигар Бонкҳои ҷумҳурӣ бевосита метавонанд аз он истифода кунанд. Низоми интиқолии «Дастрас» бо фоизи паст (0,5%) дар хизмати мардум буда минбаъд мизоҷон метавонад бе мамоният аз дилхоҳ бонк ва минтақаҳои гуногуни Тоҷикистон маблағҳои худро ба низдикону пайвандонашон интиқол диҳанд.

Низоми интиқолии «Дастрас», моро ба мардум ва мардумро бо мо наздиктар мегардонад. «Дастрас»-дастрасии бештар бо ҳамдигар.