Ширкати «Netldex» рейтинги суръати пайвастшавӣ ба шабакаи интернет дар 188 кишварро интишор намуд.

Дар ин рейтинг Тоҷикистон мақоми 58-умро ишғол кард. Тибқи ин рейтинг, дар Тоҷикистон суръати дастрас кардан (баргирифтан)-и маълумот 12,24 Мб/сонияро ташкил додааст. Дар рейтинг суръати баргирифтани маълумот ва интиқоли файлҳо аз шабаакаи ҷаҳонӣ ба компютери корбар ба инобат гирифта шудааст.

Давлатҳои Гонокнг ва Сингапур дар ин рейтинг пешсафанд. Русия дар мақоми 30-юм, Украина – 33-юм, Чин – 43-юм, Қазоқистон – 52-юм ва Ӯзбекистон – 171-ум қарор гирифтаанд.

Дар ҳамин ҳол, масъулони IT-технологияҳо бар ин назаранд, ки барои Тоҷикистон ин нишондиҳандаи хуб аст. Дар муқоиса бо 5-соли гузашта имрӯз ҳамаи ширкатҳои фароҳамсози интернет воситаи зеризаминии оптикӣ-нахии пайвастшавӣ ба шабакаи ҷаҳониро доро мебошанд, ки ба чунин натиҷа оварда расонидааст.