Дар доираи баргузории ҷаласаи 12-уми комиссияи байниҳукуматии тиҷоративу иқтисодии Русияву Тоҷикистон дар Душанбе таҳти унвони «Муколамаи Русияву Тоҷикистон» конфронс ҷараён дорад.

Дар кори конфронс зиёда аз 30 нафар намояндагони доираҳои тиҷоратӣ аз Русия ва беш аз 40 нафар соҳибкорони тоҷик ҳузур дошта, аз ҳарду ҷониб намояндагони бахшҳои гуногуни иқтисод, аз ҷумла энергетикаву саноат, соҳаи истихроҷи нафту газ, зербинои нақлиёт, алоқа ва ҳамчунин бахши бонкӣ ширкат меварзанд.

Бино ба маълумоти дастандаркорони конфронс, ҳадафи аслии баргузории конфронс таҳкими муносибатҳои корӣ миёни доираҳои тиҷоратии кишварҳо, ҷалби сармоягузорӣ, дарёфти шарикон ва баррасии масоили ҳамкориҳои рӯзмарра ва самтҳои ояндадори он мебошад.

Дар конфронс ҳамчунин раиси Кумитаи давлатии сармоягузорӣ ва идораи амволи давлатии ҶТ Қодири Қосим, сафир Русия дар Тоҷикистон Игор Лякин-Фролов, намояндагони вазорату идораҳо ва доираҳои тиҷоратии ҳарду кишвар низ иштирок доранд.

Аз рӯи натиҷаҳои конфронс имзои қарордодҳои гуногуни ҳамкорӣ, аз ҷумла миёни Пажуҳишгоҳи Вазорати накиёти ҶТ ва ҶСП КИ «Возрождение»-и Русия дар назар буда, ҳамчунин мулоқотҳои дуҷонибаи соҳибкорони кишварҳо доир мегардад.