Рӯзҳои 10-12-уми апрели соли ҷорӣ Палатаи савдо ва саноати Тоҷикистон бо дастгирии ҳукумати ҷумҳурӣ таҳти унвони «Индустрияи сохтмон» намоишгоҳи байнулмилалӣ барпо мекунад.

Бино ба маълумоти хадамоти матбуоти ПСС ҶТ, намоишгоҳ дар маҷмааи давлатии «Кохи Борбад»-и шаҳри Душанбе доир гардида, дар он гӯшаҳои «Сохтмон – масолеҳи сохтмон ва таҷҳизот», «Технологияҳо – таҷҳизот барои истеҳсоли масолеҳи сохтмон», «Асбобу лавозимот – электрика, маводи рӯйпӯш ва технологияҳо, лоиҳакашии ландшафтӣ, сохтмони бӯстонсароҳо» ва ғайра пешкаш хоҳанд шуд.

Гуфта мешавад, дар намоишгоҳ ҳамчунин техникаи сохтмон ва роҳсозӣ, кулолгарӣ, таҷҳизоту технология барои саноати кулолгарӣ, коркарди санг, ҳавософкунӣ, обтаъминкунӣ, сантехника, обу корез, қубурҳо, ҳаммом, сауна, ҳавзҳои шиноварӣ ва ғайра низ ба маърази тамошо гузошта хоҳанд шуд.