Дар минтақаи ҷануби Тоҷикистон ҷамъоварии ҳосили зироати ғалладона оғоз гардид.

Тибқи маълумоти Вазорати кишоварзии ҷумҳурӣ, деҳқонони вилояти Хатлон кишти баҳории зироати ғалладонаро дар майдони 16 ҳазор гектар анҷом додаанд, ки аз нишондиҳандаи пешбинишуда 79% зиёдтар аст.

Қисмати асосии кишти баҳории зироати ғалладонаро гандум – 6,6 ҳазор гектар, ҷуворимакка – 3,1 ҳазор гектар, шолӣ – 1,5 ҳазор гектар ва дигар навъҳои зироати ғалладона – 4,6 ҳазор гектар ташкил медиҳанд.

Дар саросари ҷумҳурӣ бошад, дар майдони 108,8 ҳазор гектар зироати ғалладона кишт шудааст, ки нисбат ба соли гузашта 4,1 ҳазор гектар бештар мебошад.

Кишти баҳори зироати ғалладона аз ҳама бештар дар вилояти Суғд – дар 63,4 ҳазор гектар гузаронида шуда, дар ВМКБ – 5 ҳазор гектар ва ноҳияҳои тобеи марказ – 23,7 ҳазор гектаррро ташкил медиҳад.

Тибқи дурнамо, имсол дар Тоҷикистон 1 млн. 300 ҳазор тонна ҳосили зироати ғалладона, аз ҷумла 890 ҳазор тонна ҳосили гандум ба даст оварданианд.