Ахири ҳафтаи сипаришуда дар Саридораи геологияи назди ҳукумати ҶТ маросими баимзорасонии Ёддошти тафоҳум байни хадамотҳои геологии Тоҷикистону Финландия баргузор гашт.

Бино ба иттилои маркази матбуоти Саридораи геологияи ҶТ, Ёддошти тафоҳум байни Саридораи геологияи назди Ҳукумати Ҷумҳурии Тоҷикистон ва Хадамоти геологии Финландия оид ба «Рушд ва омўзиши захираҳои табиӣ бо мақсади беҳдошти аҳолӣ дар Тоҷикистон барои солҳои 2014-2017» дар асоси Ёддошти тафоҳуми байни Вазорати корҳои хориҷии ҶТ ва Вазорати корҳои хориҷии Финландия оид ба рушди ҳамкориҳои Тоҷикистону Финляндия, ки 13 декабри соли 2013 дар шаҳриДушанбе ба имзо расонида шуда буд таҳия гардидааст.

Ёддошти тафоҳуми мазкур барои рушди минбаъдаи геопортали Осиёи Марказии дар якчоягӣ ташкилшуда, пешравии мўътадили истифодаи захираҳои табиии миллӣ ва паҳнкунии маълумотҳои геологӣ барои доираи гуногуни истифодабарандагон, мониторинги равандҳои экзогении хавфноки минтақавӣ ва харидории таҷҳизотҳои геофизикӣ пешбинӣ шудааст.

Ёддошти тафоҳум байни Саридораи геологияи назди Ҳукумати Ҷумҳурии Тоҷикистон ва Хадамоти геологии Финландия оид ба «Рушд ва омўзиши захираҳои табиӣ бо мақсади беҳдошти аҳолӣ дар Тоҷикистон барои солҳои 2014-2017»-ро аз ҷониби Тоҷикистон сардори Саридораи геологияи назди Ҳукумати ҶТ Мурод Хол ва аз ҷониби Финландия менеҷери лоиҳа Юкка Мултала, ки бо Ваколатномаи сардори Хадамоти геологии Финландия ҷаноби Элиас Экдал иштирок дошт, ба имзо расониданд.