Дар доираи сафари корӣ ба Ҷумҳурии Мардумии Чин Президенти Ҷумҳурии Тоҷикистон Эмомалӣ Раҳмон бо Раиси Бонки аграрии Чин Лю Шиюй мулоқот карда, зимни вохӯрӣ масоили ташкил ва густариши ҳамкориҳо баррасӣ шуд.

Бино ба иттилои хадамоти матбуоти сарвари давлат, иттилоъ дода шуд, ки дар навбати аввал барои дастгирии рушди соҳаи кишоварзии Тоҷикистон аз ҷониби ин бонк 100 миллион доллари амрикоӣ қарзи имтиёзнок ҷудо карда мешавад.

«Ин маблағҳо ба се самти асосӣ- сохтмони корхонаҳои саноатӣ, рушди соҳибкории хурду миёна ва савдо ва омодасозии кадрҳо равона мегарданд», - омадааст дар хабари хадамоти матбуоти сарвари давлат.

Зимнан зикр мегардад, ки изҳори бовар шудааст, ки ҳамкорӣ миёни Тоҷикистону ин бонки бонуфузи Чин мутақобилан судбахш гардида, ба рушди робитаҳои иқтисодию сармоягузории ду кишвар мусоидат мекунад.