Тайи ҳафтаи равон қурби миёнаи рубли русӣ ва евро дар бозори пули Тоҷикистон каме поин рафт.

Бино ба маълумоти Бонки миллии Тоҷикистон (БМТ), қурбҳои миёнаи амалиётҳо бо рубли русӣ ва евро дар давоми чанд рӯзи ҳафтаи ҷорӣ андаке паст шуда, мувофиқан 0,1158-0,1170 сомонӣ ба як рубли русӣ ва 7,2060-7,2420 сомонӣ ба як евро баробар шуданд.

Мебояд гуфт, ҳафтаи гузашта қурбҳои миёнаи амалиётҳо бо рубли русӣ ва евро мувофиқан 0,1185-0,1200 сомонӣ ба як рубли русӣ ва 7,2910-7,3250 сомонӣ ба як евроро ташкил дода буданд.  

Гуфта мешавад, ҳафтаи равон чун чанд ҳафтаи гузаштаи моҳи июн қурби миёнаи доллари ИМА дар нуқтаҳои мубодилаи асъори ҷумҳурӣ муътадил боқӣ монда, дар ҳудуди то 6,5200-6,5400 сомонӣ муқаррар карда шуд.