Баррасии ҳамкориҳои мутақобилан судманди иқтисодӣ байни Ҷумҳурии Тоҷикистон ва Ҷумҳурии Халқии Хитой аз мавзӯъҳои асосии вохӯрии вазири рушди иқтисод ва савдо Неъматулло Ҳикматуллозода бо акнун собиқ мушовири Канселярия оид ба масъалаҳои тиҷоратию иқтисодии Сафорати ҶХХ дар Душанбе ҷаноби Ли Юе ва Мушовири навтаъиншудаи Канселярия ҷаноби Сун Ян маҳсуб меёфт, ки рӯзи 4 августи соли ҷорӣ дар Вазорати рушди иқтисод ва савдо доир гардид.

Бино ба иттилои хадамоти матбуоти Вазорат, ҳангоми мулоқот, ки дар шароити ҳамдигарфаҳмӣ сурат гирифт, ҷонибҳо атрофи рушди ҳамкориҳои иқтисодӣ, раванди ислоҳоти иқтисодӣ ва татбиқ намудани барномаҳои муштарак мубодилаи афкор намуданд.

Гуфта мешавад, дар интиҳои вохӯрӣ тарафҳо азми қавии худро ҷиҳати густариши минбаъдаи ҳамкориҳо дар самтҳои гуногун баён доштанд.