Давоми ҳафтаи сипаришуда қурби миёнаи амалиёт бо рубли русӣ дар бозори асъори Тоҷикистон поин рафта, қурби евро нисбатан тамоили болоравӣ касб намуд.

Бино ба маълумоти хадамоти матбуоти Бонки миллии Тоҷикистон (БМТ), дар ин давра қурбҳои миёнаи амалиётҳо бо рубли русӣ паст ва бо евро каме баланд шуда, мувофиқан 0,0989-0,0998 сомонӣ ба 1 рубли русӣ ва 7,4311-7,4700 сомонӣ ба 1 евро баробар шуданд.

Гуфта мешавад, қурби доллари ИМА дар бозори асъор тағйир наёфта, ба ҳисоби миёна 6,7980-6,8078 сомонӣ барои 1 долларро ташкил дод.

Дар ҳамин ҳол зикр мегардад, ки қурби миёнаи доллари ИМА дар нуқтахои муболиаи асъор дар сатҳи 6,5600-6,5800 муқаррар гардида буд.