Дар гузориши нави Бонки осиёгии рушд (БОР) таҳти унвони  «Дурнамои рушди Осиё дар соли 2015» гуфта мешавад, муҳити беруна асосан тавассути интиқоли маблағҳои пулӣ ва тиҷорати хориҷӣ ба рушди иқтисоди Тоҷикистон таъсир мерасонад.

Дар гузориш пешгӯӣ мешавад, ки соли 2015 сатҳи рушди иқтисод дар Тоҷикистон - 3,5% ва соли 2016 - 4,2%-ро ташкил хоҳад дод. Бино ба пешгӯиҳои иқтисодчиёни бонк, мизони таваррум дар ҷумҳурӣ соли 2015 то 10% боло рафта, соли 2016 то ба андозаи 7% коҳиш меёбад.

Қобили зикр аст, ки аз рӯи натиҷаҳои соли гузашта сатҳи таврррум дар Тоҷикистон соли 2014 - 7,4%, соли 2013 - 3,7% ва соли 2014 - 6,4%-ро ташкил дода буд.

Дар ҳамин ҳол, дар партави дурнамои рушди заифи иқтисод дар Чину Ҳиндустон ва ҳамчунин барқароршавии суст дар  кишварҳои бузурги индустриалӣ, дар гузориши БОР поинравии сатҳи рушд дар кишварҳои Осиё давоми солҳои 2015-2016 пешгӯӣ шуда, рушди Маҷмӯи маҳсулоти дохилӣ дар минтақа соли 2015 дар сатҳи 5,8 ва соли 2016 дар сатҳи 6% пешбинӣ мегардад.