Ширкатҳои сайёҳӣ ва низоми тарҳрезии мустақилонаи сайру саёҳат ҳадди ақал 50% афзоиши талабот ба саёҳат  дар марҳилаи фармоиши пешакӣ дар мавсими тобистон ба Гурҷистон, Арманистон ва Озарбойҷонро ба қайд гирифтаанд.

Нашрияи «Коммерсантъ» дар ин робита менависад, иштирокчиёни ин бозор Абхозистонро яке аз самтҳои писандидаи саёҳат дар мавсими оянда номбар кардаанд, ки талабот ба он ба мисли кишвари Краснодар будааст. Тобистони имсол то 1,5 млн. нафар русиягиҳо нияти сайру саёҳат ба Абхозистонро доштаанд, ки дар қиёс бо соли гузашта 20% бештар аст.

Тибқи маълумоти ширкати «Делфин», имсол 200-300 ҳазор нафар русиягиҳо аз Гурҷистон, 100-200 ҳазор нафар - аз Қазоқистон, 100 ҳазор кас - аз Қирғизистон, 50 ҳазор нафар - аз Ӯзбекистон ва ҳудуди 30 ҳазор нафар русиягиҳо - аз Тоҷикистон боздид мекардаанд.

Иштирокчиёни ин бозор қайд кардаанд, ки талабот ба сайру саёҳат ба кишварҳои собиқ Иттиҳоди Шӯравӣ натанҳо миёни мизоҷон аз Маскав, балки аз дигар шаҳрҳои бузурги Русия низ афзудааст.

«Туркия дастнорас аст, одамон ба ивази он ҷой кофта, ҳамзамон соли гузаштаро низ дар хотир доранд, ки дар натиҷаи афзоиши мавсимиии талабот ба осоишгоҳҳои баҳрии Русия, нархи дертар фармоиш додани саёҳат низ боло рафта буд», - шарҳ додааст вазъро ба нашрия мудири ширкати «Связной Трэвел» Алексей Дорош.