Дар доираи амалисозии лоиҳаи Барномаи рушди СММ «Мусоидат ба савдо» дар ҳамдастӣ бо маркази таълимии «АВВАТ» барои кормандони давлатӣ ва соҳибкорони Тоҷикистон оид ба масоили марбут ба тадорукот (логистика) ва қоидаҳо дар соҳаи нақлиёти Созмони умумиҷаҳонии савдо (СУС) як силсила тренингҳои омӯзишӣ гузаронида мешаванд.

Тренинги дуюм аз ин силсила рӯзи 2 июн дар Душанбе ба кор шурӯъ намуда, дар ҷараёни он беш аз 20 намояндаи сохторҳои дахлдори давлатӣ, ширкатҳои нақлиётӣ, бахши хусусии ба савдои фаромарзӣ ҷалбшуда бо афзалиятҳои созишномаҳои байнулмилалии тиҷоратӣ ва узвият дар СУС шинос мешаванд.

Иштирокдорони чорабинӣ аз ҷумла доир ба фаъолияти СУС, усулу созишномаҳои асосии он, танзими ҷанбаҳои тиҷоратии ҳуқуқ ба моликияти зеҳнӣ, монеъаҳои техникӣ ва тадбирҳои санитарӣ дар шароити узвияти ба Созмон, танзими ҳуқуқии ҳаллу фасли баҳсҳо дар доираи СУС, уҳдадориҳои Тоҷикистон оид ба дастрасӣ ба бозори молу хизматгузорӣ ва дигар масоил маълумот муфассал дарёфт хоҳанд кард.