Тӯли 6 моҳи соли 2016 ҳаҷми муомилоти моли хориҷии Тоҷикистон беш аз 1 млрд. 939 млн. доллари ИМА-ро ташкил дод, ки нисбат ба ҳамин давраи соли 2015 ба андозаи 2,8% ё худ 56,6 млн. доллари ИМА камтар аст.

Тавозуни савдо дар ин давра манфӣ буда, беш аз 1 млрд. 60 млн. доллари ИМА-ро ташкил додааст.

Ҳаҷми содироти мол давоми 6 моҳи аввали соли ҷорӣ 439,4 млн. доллари ИМА-ро ташкил додааст, ки дар муқоиса бо ҳамин давраи соли 2015 ба миқдори 18,7 млн. доллари ИМА ё худ 4,4 % зиёдтар аст.

Ҳаҷми воридоти мол дар ин давра ба ҳудуди 1,5 млрд. доллари ИМА баробар шудааст, ки нисбат ба 6 моҳи аввали соли гузашта ба андозаи 4,8% ё худ 75,3 млн. долллари ИМА камтар мебошад.

Давоми моҳҳои январ-июни соли ҷорӣ Тоҷикистон бо 99 кишвари дунё муомилоти молӣ анҷом додааст. Шарикони асосии тиҷоратии Тоҷикистон дар ин давра Русия (наздики 508 млн. $), Чин (беш аз 483 млн. $), Қазоқистон (307,7 млн. $) ва Туркия (152 млн. $) дониста шудаанд.