Ба ифтихори ҷашни 25-умин солгарди Истиқлолияти давлатии Тоҷикистон дар шаҳри Душанбе аз ҳисоби ҳамаи сарчашмаҳои маблағгузорӣ ба маблағи умумии 2,3 млрд. сомонӣ иншооти гуногун ба истифода дода мешаванд.

Тавре ба «Азия-Плюс» як манбаъ аз мақомоти шаҳрдории Душанбе иттилоъ дод, ин иншооти таъиноти иқтисодиву иҷтимоӣ аз ҳисоби маблағҳои буҷети ҷумҳуриву шаҳр, соҳибкорон ва сармоягузорони хориҷӣ сохта шудаанд.

Ба гуфтаи манбаъ, қисмате аз иншооти ҷашнӣ дар шаҳри Душанбе бо иштироки сарвари давлат Эмомалӣ Раҳмон ба истифода дода мешаванд.

Зимнан зикр гардид, ки аз ҷумла дар пойтахт корхонаи нави дӯзандагӣ ба истифода дода мешавад, ки беш аз 500 нафар сокинони пойтахт бо ҷойҳои корӣ дар он таъмин мешаванд.