Дар Душанбе ҷаласаи 23-юми Шӯрои вазирони корҳои хориҷии кишварҳои узви Созмони ҳамкории иқтисодӣ (СҲИ) доир мегардад.

Дар ҷаласа баррасии масоили марбут ба ҷараёни амалисозии созишномаҳои баимзорасида байни кишварҳо дар доираи Созмон, иҷрои лоиҳа ва барномаҳои СҲИ, фаъолияти агентиҳои махсус ва мақомоти Созмон, пешрафт ва арзёбии иҷрои ҳадаф ва вазифаҳои зикршуда дар санади «Дурнамои СҲИ 2025», қабули Барномаи нави СҲШ дар бораи мусоидат ба Афғонистон ва ҳамчунин масъалаҳои маъмурӣ ва молиявии СҲИ дар назар аст.

Дар чаҳорчӯби ҷаласаи Шӯрои вазирони корҳои хориҷии кишварҳои узви СҲИ рӯзҳои 16-17 апрел дар «Боғи Ирам» Намоишгоҳи хунарҳои мардумии кишварҳои узви Созмон баргузор мешавад.

Созмони ҳамкории иқтисодӣ - ташкилоти байнидавлатии иқтисодии  минтақавӣ  ба шумор  рафта,  онро  соли  1985  Эрону Покистон ва Туркия бо мақсади пешбурди ҳамкориҳои иқтисодӣ, техникӣ ва фарҳангӣ миёни кишварҳои узви Созмон таъсис доданд.

Имрӯз Эрон, Покистон, Туркия, Қазоқистон, Озарбойҷон, Афғонистон, Қирғизистон, Тоҷикистон, Туркманистон ва Ӯзбекистон аъзои СҲИ мебошанд. Котибот ва шуъбаи фарҳанги Созмони ҳамкории иқтисодӣ дар Теҳрон, дафтари иқтисоди он дар Туркия ва дафтари илмии он дар Покистон воқеъ аст.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.