Тоҷикистон меъёри боҷи суғуртаро барои вуруди воситаҳои нақлиёт аз Ӯзбекистон ба қаламрави худ чандин маротиба поин бурд.

Шаҳрвандони Ӯзбекистон акнун барои ворид шудан ба қаламрави Тоҷикистон бо автомашинаи сабукрав вобаста ба ҳаҷми муҳаррик 15-20 сомонӣ боҷ пардохт мекунанд, хабар дод ба “Азия-Плюс” як манбаъ аз КВД “Тоҷиксуғурта”.

Қаблан барои ворид шудан ба қаламрави ҷумҳурии мо бо автомашинаи сабукрав аз ӯзбекистониҳо дар ҳаҷми наздики 52 доллар боҷи давлатии суғурта ситонида мешуд, ки қариб ба меъёри қаблан муқарранамудаи ҷониби Ӯзбекистон баробар буд.

Нимаи моҳи июн Ӯзбекистон меъёри боҷи вуруди автомашинаҳо аз Тоҷикистонро поин бурд: аз 14 июн шаҳрвандони Тоҷикистон барои ворид шудан ба қаламрави кишвари ҳамсоя бо автомашинаи сабукрав тақрибан 15-20 сомонӣ маблағ пардохт мекунанд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.