Лоиҳаи “PROбизнес”-ро аз нав шурӯъ мекунем - ин дам бо забони тоҷикӣ. Ва аввалин меҳмонони мо - топ-менеҷерони бонки низомсози кишвар ҶСК “Бонки Эсхата”:

• Умарҷон Умаров, Сардори Департаменти тиҷорати корпоративӣ ва миёна,
• Акмалҷон Сайфидинов, Сардори Департаменти хавфҳои бонкӣ,
• Сайдуллохоҷа Насуллоев, Сардори Департаменти тиҷорати рақамӣ,
• Малика Алимбоева, Сардори Департаменти кор бо кормандон (HR).

Мо бо онҳо дар бораи ҳамагуна паҳлуҳои бонкдорӣ суҳбат кардем:

кредити 100-ҳазорсомона, хизматрасониҳо ва маҳсулоти аз рақибон фарқкунанда, дастгирии соҳибкорону истеҳсолгарон дар пасманзари ҳадафи нави стратегии кишвар, хавфҳои бонкии хоси Тоҷикистон, инноватсиякунонӣ ҳамчун таҷрибаи муваффақи ҶСК “Бонки Эсхата”, тақвими “зинда”, муҳити мутобиқ барои офаридани навгониҳо, қабули коргарони нав ва сифатҳои мувофиқи довталабон, чорабиниҳо ва истироҳат барои кормандон.

Ҳамчунин саволҳое доштем шахсӣ – чӣ гуна ин шахсиятҳо роҳбари муваффақ шуданд, чӣ гуна машғулиятҳои дӯстдошта (хоббиҳо) доранд.

Ҳар ҳафта рӯзҳои панҷшанбе интизори мусоҳиба бо яке аз роҳбарони ҶСК “Бонки Эсхата” бошед.