Тоҷикистон барои пешбурди соҳаҳои афзалиятноки иқтисоди миллӣ бо Корпоратсияи Байналмилалии Исломии Маблағгузории Савдо (ITFC) ба маблағи умумии 100 млн доллари ИМА созишномаи ҳамкорӣ ба имзо расонид. Дар ин бора аз Вазорати рушди иқтисод ва савдои Тоҷикистон ба “Азия-Плюс” иттилоъ доданд.
Ба гуфтаи манбаъ, ин созишнома рӯзи 12 май миёни Завқӣ Завқизода, вазири рушди иқтисод ва савдои Тоҷикистон ва Ҳани Салем Сонбол, роҳбари Корпоратсияи Байналмилалии Исломии Маблағгузории Савдо (ITFC) дар шаҳри Ҷиддаи Арабистони Саудӣ ба имзо расидааст.
Аз вазорат гуфтанд, Завқӣ Завқизода имкониятҳои зиёди сармоягузорӣ ва рушди бахши хусусии кишварро муаррифӣ намуда, аз роҳбари Корпоратсия дархост намуд, ки ба соҳаҳои афзалиятноки иқтисоди миллӣ, аз ҷумла тақвияти иқтидори содиротии кишвар, таъсиси корхонаҳои нассоҷӣ ва истеҳсоли маҳсулоти ҳалол, марказҳои логистикӣ, рушди савдо ва сайёҳӣ, бонкдории анъанавию исломӣ ва тақвияти иқтидори бахши хусусӣ маблағгузориро зиёд намояд.
Дар навбати худ Ҳани Салем Сонбол омодагии худро барои татбиқи лоиҳаҳо дар самтҳои зикршуда, инчунин тақвияти ҳамкориҳои минбаъда баён намудааст.
“Дар доираи мулоқоти мазкур байни Вазири рушди иқтисод ва савдо бо роҳбари Корпоратсияи Байналмилалии Исломии Маблағгузории Савдо ва Корпоратсияи Исломии Рушди бахши хусусӣ ба маблағи умумии 100 миллион доллари ИМА Созишномаи ҳамкорӣ барои самтҳои зикргардида ба имзо расонида шуд”, - гуфтанд дар вазорат.
Ёдовар мешавем, ки то имрӯз аз ҷониби Корпоратсияи байналмилалӣ лоиҳаҳои сармоягузорӣ ба маблағи 182 млн доллар дар Тоҷикистон татбиқ шуда, айни замон 3 лоиҳа ба маблағи 18 млн. доллар амалӣ мегардад.
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Кулли ахбор
Авторизуйтесь, пожалуйста