Президенти Палатаи савдо ва саноати Доғистон Бадрутин Магомедов рӯзи 30 май зимни вохӯрӣ бо сафири Тоҷикистон дар Русия Давлатшоҳ Гулмаҳмадзода гуфтааст, Доғистон ба бунёди неругоҳҳои хурди барқи офтобӣ дар минтақаҳои баландкӯҳи Тоҷикистон омода аст, хабар медиҳад Интерфакс.
“Доғистон барои шумо, бахусус дар Помир, минтақаҳои баландкӯҳ метавонад неругоҳҳои хурди барқи офтобӣ созад. Ширкати мо ҶДММ “Дагкремний” дар сохтмони чунин неругоҳҳо дар Бангладеш ва Непал таҷриба дорад. Ва ба фикри ман, ин самти ояндадор аст”, - иброз доштааст Магомедов.
Ӯ илова намудааст, ки ҶСП “Мушорака”-и Доғистон, ки барои обрасонӣ (водопровод) қубур ва дигар қисмҳо истеҳсол мекунад, ба истеҳсоли обгармкунакҳои офтобӣ оғоз намуд.
“Миқдори начандон зиёди нури офтоб кофист, ки хонаи ҳамдиёрони шумо бо оби гарм таъмин бошад”, - шарҳ додааст Магомедов.
Тавре ки дар Телеграм-канали Вазорати рушди иқтисоди Доғистон хабар дода мешавад, Гулмаҳмадзода инчунин бо соҳибкорон дидору гуфтушунид кардааст.
“Ин вохӯрӣ ба рушди минбаъдаи ҳамкории мо мусоидат мекунад. Солҳои охир густариши робитаҳои тиҷоратиро байни кишварҳоямон мушоҳида мекунем. Доғистон ҷумҳурии аграрӣ буда, мо ба ҳамкорӣ бо шумо манфиатдорем. Нисбат ба содирот мо бештар ворид мекунем, лекин дар истеҳсоли пахта, меваҳои барвақтӣ, ангур, интиқоли мева ва хушкмева таҷрибаи хуб дорем”, - изҳор доштааст сафир.
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Кулли ахбор
Авторизуйтесь, пожалуйста