Дар шаҳри Алматои Қазоқистон аввалин ҳамоиши кишварҳои Осиёи Марказӣ ва Амрико, ки ҷиҳати таҳкими равобити иқтисодӣ ташкил гардида, бо номи Business 5+1 ё Форуми B5+1 муаррифӣ шуд, ҳайати Тоҷикистон низ иштирок намуд.
Дар ин бора аз Кумитаи рушди сайёҳӣ иттилоъ дода, таъкид карданд, ки Форуми мазкур ду рӯз идома кард.
Ба навиштаи ин ниҳод, Тоҷикистонро дар ин Форум Аҳлиддин Нуриддинзода, муовини вазири рушди иқтисод ва савдо, Баҳриддин Сироҷиддинзода, директории Агентии содирот, Зиёдулло Салимзода, муовини раиси Кумитаи рушди сайёҳӣ ва дигар шахсони расмиву намояндагони бахши хусусӣ намояндагӣ карданд.
Дар ин Форум, ки бори аввал баргузор гардид, роҳу усулҳои минбаъдаи таҳкими равобити иқтисодии кишварҳои минтақа, ИМА ва бахши хусусӣ мавриди баррасӣ қарор дода шуд.
Бояд гуфт, ки Форуми мазкур дар асоси эъломияи Ню-Йорк, ки дар Саммити президентҳои С5+1 дар моҳи сентябри соли 2023 оид ба таҳкими равобити иқтисодӣ мийни Иёлоти Муттаҳида Амрико ва Осиёи Марказӣ тавассути эҷоди як платформаи иловагии таҳти роҳбарии бахши хусусӣ қабул шуда буд, баргузор гардид.
Форуми мазкур раванди муколамаро байни бахшҳои давлатӣ ва хусусӣ дар формати Business 5+1 роҳандозӣ намуда, ҳадафи он иҷрои ду ӯҳдадориҳои калидии Эъломия мебошад: суръат бахшидан ба ҳамкориҳо ва пайвастагии минтақавӣ ва беҳтар намудани фазои соҳибкорӣ барои тавсеаи сармоягузории тиҷорат ва бахши хусусии ИМА.
Ҳамзамон, ин платформа ба давлатҳои аъзо, соҳибкорон ва ҷомеаи коршиносон имкон медиҳад, ки барои эҷоди Осиёи Марказии аз ҷиҳати иқтисодӣ фаъол ва фарогир, ки ба бозорҳои ҷаҳонӣ пайваст аст, тадбирҳои амалӣ андешанд.
Форуми B5+1 барои ҷомеаи тиҷоратии миллӣ ва байналмилалӣ ҷиҳати рушди ояндаи ҳамгирошуда ва иқтисоди фарогири Осиёи Марказӣ мусоид буда, ба ҳукуматҳо имкон медиҳад, ки аз машваратҳои бахши хусусӣ барои ноил шудан ба ҳадафҳои иқтисодии С5+1 истифода кунанд.
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Кулли ахбор
Авторизуйтесь, пожалуйста