Нимаи дуюми рӯзи 29 апрел президенти Тоҷикистон Эмомалӣ Раҳмон дар Қасри миллат президенти Бонки аврупоии таҷдиду рушд (БАТР) хонум Одил Рено-Бассоро ба ҳузур пазируфт. Дар ин бора хадамоти матбуоти сарвари давлат хабар медиҳад.
Дар доираи сафари Одил Рено-Бассо имзои якчанд лоиҳаҳо дар назар аст, ки ба қарздиҳии "сабз” дар чаҳорчӯби Нақшаи амали “Шаҳри сабзи Душанбе” ва дастгирии соҳибкорӣ ва тиҷорати занон равона мешавад.
Чанде пеш пас аз мулоқот бо президенти Тоҷикистон Одио Рено-Бассо зикр кард, ки ҷонибҳо афзалиятҳои стратегии кишвар ва мусоидати БАТР дар ҳалли масоили марбут ба тағйирёбии иқлим, дастгирии рушди соҳибкорӣ ва бахши хусусӣ, рақамикунонӣ, ҳамгироии минтақавии иқтисоди миллӣ ва таҳкими имконияти содироти “иқтисоди сабз”-ро баррасӣ кардаанд.
“Соли гузашта Бонки аврупоии таҷдиду рушд 30-солагии фаъолияти худро дар Тоҷикистон ҷашн гирифт. Ман хеле қаноатмандам, ки дар Тоҷикистон ҳузур дорам ва шоҳиди натиҷаҳои фаъолиятамон мебошам”, - гуфт Одил Рено-Бассо.
Президенти БАТР таъкид дошт, ки Бонк яке аз сармоягузорони бузурги Тоҷикистон ба шумор рафта, бахшҳои энергетика, таъминот бо об, нақлиёт, соҳаи бонкдорӣ ва соҳибкории хурду миёнаро дастгирӣ мекунад.
Эмомалӣ Раҳмон дар навбати худ ба раҳбаияти бонк ҷишати робитаҳои доимӣ ва пурсамар дар давоми 30 сол изҳори минттадорӣ кард.
“Мо сатҳи имрӯзаи ҳамкориямонро бо Бонк баланд арзёбӣ менамоем ва ҷиҳати ноил гардидан ба ҳадафҳои олии рушди кишвар аз он умедвориҳои калон дорем”, - гуфт ӯ.
Дар вохӯрӣ раванди татбиқи лоиҳаҳои аз ҷониби Бонк маблағгузоришаванда дар соҳаҳои гуногуни иқтисодӣ ва иҷтимоии кишвар, хусусан дар таҳкими низоми молиявӣ, рушди бахши хусусӣ, соҳаҳои нақлиёт, энергетика, обтаъминкунии аҳолӣ ва беҳсозии сифати хизматрасониҳои коммуналӣ баррасӣ шуд.
Дар робита ба таъсири манфии омилҳои беруна ба баъзе нишондиҳандаҳои макроиқтисодии Тоҷикистон ва дастгирии тобоварии иқтисодиёт ба таҳдиду хатарҳои имрӯза, пеш аз ҳама, ҷалби бештари сармоя ва идомаи раванди ислоҳот зарур шумурда шуд.
Таъкид гардид, ки ҷудо намудани маблағҳои грантию имтиёзнок аз ҷониби шарикони рушд барои дастгирии раванди ислоҳот, буҷети давлатӣ ва татбиқи лоиҳаҳои афзалиятнок дар маҷмӯъ ба устувории рушди иҷтимоиву иқтисодӣ боис мегардад.
Мусоидат ба пешрафти бахшҳои саноат, кишоварзӣ, истихроҷи маъданҳо, рушди инфрасохтори шаҳрӣ, алалхусус низоми таъминоти оби ошомиданӣ, хоҷагии манзилию коммуналӣ, рақамикунонии соҳаҳои мухталифи иқтисод, ҷорӣ намудани технологияҳои “сабз”, инчунин маориф ва муҳоҷирати корӣ, аз самтҳои дигари ҳамкорӣ номида шуд.
Қобили зикр аст, ки Одил Рено-Бассо бо сафари дурӯзаи корӣ ба Тоҷикистон омад. То имрӯз БАТР ба 168 лоиҳа дар Тоҷикистон 947 млн евро сармоягузорӣ кардааст.
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Кулли ахбор
Авторизуйтесь, пожалуйста