Милитсияи шаҳри Душанбе мардеро боздошт кардааст, ки бо баҳонаи омода кардани раводид (виза)-и кишварҳои аврупоӣ шаҳрвандонро фиреб дода, аз онҳо аз 15 то 30 ҳазор сомонӣ пул гирифтааст.
Раёсати Вазорати корҳои дохилӣ дар Душанбе аз ӯ Ҳалимҷон Ҷабборов ном бурда, гуфтааст, ки баъд аз муроҷиати шаҳрвандон ӯро дастгир кардаанд. Ба иттилоъи манбаъ, ин мард сокини шаҳри Хуҷанд буда, ба қаллобӣ гумонбар мешавад.
Вале маълум нест, ки бар зидди Ҷабборов парвандаи ҷиноятӣ боз шудааст ё не.
Назари худи гумонбаршуда ва наздикону пайвандонаш дар робита ба ин қазия дастрас нест. Танҳо манбаъ навиштааст, ки то ҳол 8 далели бо чунин роҳ мардумро фиреб додани ӯ ошкор шудааст.
Ҳамчунин, Раёсати ВКД дар Душанбе аз шаҳрвандоне, ки мавриди фиреби Ҷабборов қарор гирифтаанд, хостааст, ки бо рақамҳои 2210057 ва 2258486 ба мақомот муроҷиат кунанд.
Ин бори аввал нест, ки мақомот аз боздошти фиребгарони хоҳишмандони кор дар Аврупо хабар медиҳад.
Чанде рӯз пеш, Оҷонсии зиддифасоди кишвар аз боздошти раиси ширкати “Арса” Қ. Одилов, ки гуфта мешуд, бо ваъдаи ба Британияи Кабир фиристодан аз даҳҳо корҷӯи тоҷик беш аз ним миллион сомонӣ гирифтааст, хабар дод.
Ин ниҳод гуфт, ҳоло нисбати Одилов барои қаллобӣ (моддаи 247 қисми 3 банди “а”) парвандаи ҷиноятӣ оғоз карда шуда, ӯ дар ҳабси пешакӣ қарор дорад.
Оҷонсӣ гуфт, ҷамъияти “Арса” бо ширкатҳои кортаъминкунандаи Британия Кабир шартномаи ҳамкорӣ надорад.
Ҳамчунин, моҳи майи соли равон Иброҳим Аҳмадов, раиси ҶДММ “Даври истиқлол”, ки он ҳам бо ваъдаи ба Бритонияи Кабир бурдан аз даҳҳо корҷӯйи тоҷик пул гирифта буд, дастгир шуда буд.
Радиои Озодӣ навишт, ки ӯ ба “қаллобӣ” ва “ташкили муҳоҷирати ғайриқонунӣ” муттаҳам аст. Як намояндаи ВКД гуфт, дар парвандаи ӯ ба камияш 147 кас ҷабрдида ҳастанд.
Ширкати “Даври Истиқлол”, барои фаъолияти корӣ дар Тоҷикистон ҳам иҷозатнома надоштааст.
Дар гузашта, Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон ва Сафорати Британияи Кабир дар Тоҷикистон борҳо аз аҳолӣ даъват карда буданд, ки зимни ҷустуҷӯи кор дар Аврупо, махсус дар Британияи Кабир ба ширкатҳои дорои иҷозатнома муроҷиат кунанд, то ба доми қаллобон наафтанд.
Ёдрас мешавем, ки чанд сол инҷониб шаҳрвандони Тоҷикистон роҳи муҳоҷират ба сӯи Британияи Кабир, Италия, Корея ва чанд дишвари дигарро боз кардаанд ва асосан ба корҳои мавсимӣ дар саҳроҳои кушод ва гармхонаҳо машғул шуда, ҳосили буттамевагиҳо (қулфинай ва ғайра) ва дигар сабзавоту меваҳоро ҷамъоварӣ мекунанд.
“Аудиокитоб” бо Субҳон Ҷалилов. Маснавии маънавӣ. Ҳикояи “Дониши бесамар”
Кушта шудани беш аз 10 кас дар пайи таркиши дастгоҳҳои паёмрасон дар Лубнон
Корфармоёну корҷӯён барои як “дидори кӯтоҳмуддат” дар Душанбе гирдиҳам омаданд
“Рейд” дар марказҳои дилхушӣ. 230 нафар дар доираи амалиёти “Ахлоқ” ба милитсия оварда шуданд
Мусофирони дағал ва хароҷоти зиёд. Нигаронии ронандагони таксӣ аз шеваи бархурди муштариён бо онҳо
Тоҷикистону Ӯзбекистон долони нави ҳавоӣ бунёд мекунанд
Бохти "Истиқлол" дар даври аввали Лигаи қаҳрамонҳои Осиё-2 дар Душанбе
Дар Олимпиадаи шоҳмот мунтахаби мардони Тоҷикистон Португалияро мағлуб кард
"Пештар обрӯяш бештар буд". Имрӯз омӯзгори тоҷик чӣ мақом дорад ва чӣ тавр онро баланд бардорем?
Ҷалби Олмон ба сохтмони “Роғун”. Эмомалӣ Раҳмон дар Остона чӣ гуфту чӣ шунид?
Кулли ахбор
Авторизуйтесь, пожалуйста