Дар моҳи октябри соли равон Тоҷикистон ба хориҷи кишвар ба маблағи зиёда аз 3,8 млн доллар барқ содир намуд. Дар ин бора Агентии омори назди президенти ҷумҳурӣ хабар медиҳад.
Гуфта мешавад, дар зарфи 10 моҳи соли ҷорӣ ба сурати умум аз Тоҷикистон ба хориҷи кишвар ба маблағи зиёда аз 102,4 млн доллар неруи барқ интиқол ёфтааст, ки ин нишондиҳанда 3,2% ё худ 3,4 млн доллар камтар нисбат ба ҳамин давраи соли 2023 мебошад.
Ҳиссаи интиқоли барқ ба хориҷи кишвар дар ҳаҷми умумии содироти ҷумҳурӣ давоми моҳҳои январ-октябр 6,6%-ро ташкил дод.
Бино ба маълумоти Агентӣ, дар зарфи 10 моҳи соли ҷорӣ дар ҷумҳурӣ зиёда аз 18,6 млрд киловатт-соат неруи барқ истеҳсол шудааст, ки 1,2% зиёдтар нисбат ба ҳамин давраи соли гузашта аст.
Тибқи маълумоти ҶСК “Барқи тоҷик”, дар мавсими тирамоҳу зимистон неруи барқ дар ҳаҷмҳои начандон зиёд танҳо ба Афғонистон интиқол дода мешавад. Қарордоди интиқол ба Ӯзбекистон танҳо дар мавсими тобистон амал мекунад.
Дар ҳамин ҳол, сокинони деҳоти Тоҷикистон айни замон дар ҳаҷми маҳдуд - 3 соат субҳ ва 5 соат шомгоҳон бо неруи барқ таъмин карда мешаванд.
Аз маҳдудияти интиқоли барқ ба ҷуз ВМКБ, сокинони тамоми минтақаҳои ҷумҳурӣ шикоят мекунанд. Низоми энергетикии ВМКБ дар реҷаи ҷудогона аз системаи марказии энергетикии кишвар амал карда, аз ҷониби ширкати хусусии “Помир энержи” идора карда мешавад.
Реҷаи маҳдуд ё худ лимити интиқоли барқ ба аҳолии деҳоти Тоҷикистон аз даҳаи охири моҳи сентябр оғоз шуд.
Интиқоли неруи барқ натанҳо ба истеъмолгарони маишӣ, балки ба нуқтаҳои фурӯш ва корхонаҳои хурд низ қатъ мешавад, ки дар маҷмӯъ ба иқтисоди кишвар зиёни зиёд ба бор меорад.
Муҳоҷирон чӣ тавр ва дар куҷо метавонанд ҳузури худро дар Русия қонунӣ кунанд?
Ба футболбозони “Хуҷанд” 4 моҳ маош пардохт нашудааст
Моҳи апрел обуҳаво дар Тоҷикистон чӣ гуна мешавад?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 2 апрели соли 2025
Пас аз 1-уми апрел муҳоҷиронро дар Русия чӣ интизор аст?
Пасандоз бо 20% даромади солона. Иқдоми нави LOLC Молия дар Наврӯз
Аз раводиди ягона то афзоиши хатсайрҳои заминӣ. Бархе ҷузъиёти мулоқоти раисҷумҳурони Тоҷикистон, Ӯзбекистон ва Қирғизистон
Рӯзи якуми маъракаи даъвати ҳарбӣ. ВМКБ, вилояти Хатлон ва минтақаи Рашт аз иҷрои нақша хабар доданд
Эрон аз таҳдиди Амрико ба СММ “шикоят” бурд. Моҷарои лафзии Эрон ва Амрико шиддат меёбад
Додгоҳи олӣ баррасии шикояти кассатсионӣ дар парвандаи “табаддулот”-ро оғоз кард
Кулли ахбор
Авторизуйтесь, пожалуйста