Соли 2024 талафоти нерӯи барқ 4,5 млрд киловатт-соат ё худ 20% ва дар семоҳаи аввали соли ҷорӣ 1,3 млрд киловатт-соат ё худ 20,5%-ро ташкил дод. Дар ин бора рӯзи 17-уми май Эмомалӣ Раҳмон, президенти Тоҷикистон зимни семинар-машварате дар ноҳияи Данғара хабар дод.

Талафоти нерӯи барқ дар шаҳру навоҳии кишвар дар семоҳаи аввали соли равон чунин аст:

Asia-Plus

Тавре Эмомалӣ Раҳмон зикр кард, ғайр аз ин, ҷамъоварии пули истифодаи барқ 83,5%, аз ҷумла 89,9% аз аҳолиро ташкил додааст, ки ғайриқаноатбахш аст.

Ӯ хотирррасон кард, ки барои пешгирии нақзи қонунгузорӣ дар низоми энергетикии кишвар, роҳандозии назорати қатъӣ аз болои истифода нерӯи барқ ва пурра бартараф сохтани талафоти барқ дар кишвар Агентии назорати давлатии энергетикӣ таъсис ёфта, дар қонунгузорӣ барои истифодаи ғайриқонунии барқ ҷавобгарии ҷиноятӣ ҷорӣ шуд.

Сарвари давлат ба ҳамаи сохторҳои марбута дастур дод, ки ба ҳар як оилаи кишвар мазмуну муҳтавои муқаррароти нави қонунгузорӣ ҳамаҷониба ва мушаххас шарҳу тавзеҳ дода шаванд.

Дар Telegram, Facebook ва Instagram бо мо бимонед.