Соли равон дар кишвар ба маблағи 3 млрд сомонӣ сохтмони 300 километр роҳҳои мошингарди таъиноти байнулмилалӣ ва ҷумҳурӣ оғоз мешавад. Дар ин бора рӯзи 16-уми декабри соли гузашта зимни ироаи паём ба парлумон президенти ҷумҳурӣ Эмомалӣ Раҳмон хабар дод.

Соли 2026 дар Тоҷикистон роҳҳои зерин сохта мешаванд:

Ваҳдат - Обигарм - 70 км

Гулистон - Кӯлоб - 33 км

Хоруғ - Роштқалъа - 39 км

Мурғоб - Кулма - 67 км

Балҷувон - Сарихосор  - 55 км

Хистеварз - Конибодом - 10 км

Роҳҳои убуркунандаи шаҳри Кӯлоб - 11 км

Дар роҳи Лабиҷар - Сангвор 5 пули мошингузар сохта мешаванд, ки ба қатори ҳамин лоиҳаҳои сохтмон шомиланд.

Эмомалӣ Раҳмон ба ҳукумати ҷумҳурӣ дастур дод, ки оид ба таъмиру навсозӣ ва “ба шароити муосири хидматрасонӣ” мутобиқ гардонидани фурудгоҳҳои Душанбе, Бохтар ва Кӯлоб тадбирҳои зарурӣ андешанд.

“Моро лозим аст, ки фурудгоҳҳоро ба талаботи замона мутобиқ созем”, - гуфт ӯ аз ҷумла.

Дар Telegram, Facebook ва Instagram бо мо бимонед.