Душанбе. 4-уми январ. ОИ «Азия-Плюс» - Шаби сипаригашта дар қаламрави Тоҷикистон заминларзаи нахустин ба қайд гирифта шуд.

Тавре аз пойгоҳи заминларзасанҷии шаҳри Душанбе ба ОИ «Азия-Плюс» хабар доданд, заминларза сотаи 01-у 23 дақиқа рух дода, маркази он дар 275 километрии пойтахти ҷумҳурӣ, дар қаламрави кишвари ҳамсояи Афғонистон ҷойгир шуда буд. Дар маркази заминларза шиддати он ба 7 балл, шаҳри Душанбе – 5,5 балл ва Норак – 4-4,5 балл баробар буд.

То ҳанӯз дар бораи харобиҳо ва талафоти ҷонӣ хабаре нарасидааст. Мувофиқи маълумоти коршиносон, ҳамасола дар қаламрави Тоҷикистон ҳудуди 2,5-3 ҳазор заминларза ба қайд гирифта мешавад.