Душанбе. 5-уми январ. ОИ Азия-Плюс» - Дар Тоҷикистон заминларзаи навбатӣ рух дод.

            Тавре ба ОИ «Азия-Плюс» аз маркази зилзиласанҷии шаҳри Душанбе хабар доданд, соати 04-у 13 дақиқаи субҳ дар ҷумҳурӣ заминларза ба қайд гирифта шудааст.

Ба иттилои манбаъ, маркази заминларза дар 300 километрии ҷанубу шарқии шаҳри Душанбе, дар қаламрави Афғонистон воқеъ буда, шиддати он дар марказ 4-5 баллро ташкил додааст. Дар шаҳри Душанбе шиддати он ба 3 балл баробар буд.

            Ёдрас мекунем, ки чанде қабл дар қаламрави Тоҷикистон заминларзаи нахустин дар соли ҷорӣ ба қайд гирифта шуда, шиддати он дар пойтахти мамлакат ба 5,5 балл баробар буд.