Душанбе. 27-уми май. ОИ «Азия-Плюс» - Дар минтақаи ҷанубу шарқи кишвар автомашинаи КАМАЗ бо беш аз 330 кило маводи мухаддир ба ҷарӣ сарозер шуд.

            Чӣ тавре ки ба ОИ «Азия-Плюс» як манбаъ аз мақомоти қудратӣ иттилоъ дод, автомашинаи мазкур бо 15 тонна биринҷ аз ноҳияи Шуғнон ба сафар баромада, бинобар аз ӯҳдаи идораи мошин набаромадани ронанда, дар километри 39-уми роҳи мошингарди Душанбе-Норак ба ҷарии 150-метра сарозер мешавад. «Аз ҷароҳатҳои гирифта ронанда дар ҷойи ҳодиса ба ҳалокат расид», - -гуфт манбаъ.

            Бино ба иттилои манбаъ, кормандони мақомоти ҳифзи ҳуқуқи ба ҷойи ҳодиса ҳозиршуда аз якчанд махфигоҳи мошин ҳудуди 330 кило маводи мухаддири афюн дарёфт кардаанд. «Айни замон даст доштани ронандаи фавтида дар муомилоти ғайриқонунии маводи мухаддир ва узвияти ӯ дар гурӯҳҳои ҷиноятпеша муайян карда мешавад», - афзуд сарчашма.