Сайид Умар Ҳусайнӣ вакили МН МО ва Сабзалӣ Шарифов, Раиси шӯъбаи навоҳии тобеи маркази ҲНИТ ҳангоми сафарашон дар роҳ ба ноҳияи Файзобод ба садама дучор шудаанд.

Бино ба маълумоти сомонаи расмии ҳизб, дар натиҷаи садама Сабзалӣ Шарифов ҷони худро аз даст додааст. Сайид Умар Ҳусайнӣ бошад, ба беморхонаи мунтақил шудааст.

Вале дар сӯҳбат бо хабарнигори ОИ «Азия-Плюс» Сайид Умар Ҳусайнӣ иброз кард, ки бистарӣ гардидан дар беморхонаро рад сохта, дар хона муолиҷа мегирад.

Ба гуфтаи ӯ, ин садама як ҳодисаи нохуш буда, бар асари сабабҳои техникии нақлиёт рух додааст. «Мо бо автомашинаи ман баҳри вохӯриву мулоқот бо аъзои ҳизб ва аҳли ҷомеаи минтақа ба Файзобод сафар доштем», - афзуд ӯ.