Бар асари садамаи нақлиёт дар вилояти Хатлон 5 нафар ба ҳалокат расиданд.

Бино ба маълумоти Вазорати корҳои дохилии ҷумҳурӣ, дар назди деҳаи Гулистони ноҳияи Румӣ ронандаи автомашинаи боркаши «КАМАЗ» Холдор Худойбердиеви 22-сола аз уҳдаи идораи воситаи нақлиёт набаромада, ба автомашинаи сабукрави тамғаи «Дэу-Ланос» таҳти идораи Искандар Мусофирови 67-сола бармехӯрад.

Дар натиҷаи бархӯрд ронандаи автомашинаи «Ланос» ва чор нафар мусофирони он – Ҳоким Назарови 46-сола, Ҷаркиной Дониёроваи 51-сола, Мадина Файзоваи 4-сола ва Зиёратшо Ғаниев 27-сола дар ҷойи ҳодиса ба ҳалокат расиданд. Боз як мусофири ин автомашина Мастура Файзоваи 28-сола ҷароҳатҳои ҷисмонӣ бардошта, дар беморхона бистарӣ шудааст.