Рӯзҳои аввали моҳи июн дар вилояти Суғд 6 ҳодисаи суиқасд ба худкушӣ ба қайд гирифта шуданд, ки миёни онҳо як ноболиғ ҳам ҳузур дорад.

Тавре ба ОИ «Азия-Плюс» аз Раёсати ВКД ҶТ дар вилояти Суғд хабар доданд, танҳо тасодуфан ба роҳгузарону наздикони онҳо муяссар шудааст, ки ин афродро аз марг наҷот бидиҳанд.

Ба иттилои манбаъ, дар яке аз ҳодисаҳо наврасони 15-сола нафақахӯр аз ноҳияи Бобоҷон Ғафуровро, ки худро дар обанбори Қайроққум ғарқ карданӣ будааст, наҷот додаанд. Ҳамчунин боз як духтареро, ки аз пули «Юбилейный»-и шаҳри Чкаловск худро ба дарё партофтанӣ будааст, роҳгузарон наҷот додаанд.

Зимнан зикр гардид, ки тафтиши ҳодисаҳои мазкур ҷараён дошта, мақомот сабабҳои ба ин амал даст задани ин афродро таҳқиқ доранд.