Нимсолаи аввали соли равон бар асари офатҳои табиӣ дар Тоҷикистон 9 нафар (ҳамин давраи соли гузашта – 25 нафар) ҷони худро аз даст доданд.

Бино ба иттилои Кумитаи ҳолатҳои фавқулода ва мудофиаи граждании назди ҳукумати ҶТ, аз ин шумор 4 нафар дар вилояти Суғд, 4 нафар дар минтақаи Рашт ва 1 нафар дар ноҳияи Ҳисор ба ҳалокат расидаанд.

Ба иттилои манбаъ, дар ҷараёни 116 амалиёти ҷустуҷӯӣ ва наҷотдиҳӣ кормандони Кумита 17 нафарро наҷот ва 17 ҷасади фавтидагон бар асари селу сангфароӣ, обхезӣ ва ғарқшудагонро дарёфт намудаанд.

Зимнан зикр гардид, ки ҳаҷми маблағи зиёни расида дар ин давра бар асари офатҳои табиӣ беш аз 60,3 млн. сомониро ташкил медиҳад.