Як шаҳрванди Афғонистон дар кордзанӣ ба ҳамсари худ гумонбар дониста мешавад.

Чӣ тавре ки ба ОИ «Азия-Плюс» аз Раёсати ВКД ҶТ дар вилояти Суғд хабар доданд, зимни як амалиёт кормандони милисаи шаҳри Чкаловск ба гумони даст доштан дар барқасдона расонидани зарари ҷисмонӣ шаҳрванди 24-солаи Афғонистон Муҳаммадфарҳод Хоҷимуҳаммади Ориёнро боздошт намудаанд, ки муваққатан дар шаҳри Хуҷанд иқомат доштааст.

Ба иттилои манбаъ, боздоштшуда ба он гумонбар дониста мешавад, ки ҳангоми муноқишаи рухдода ба ҳамсари худ бо корд ҳафт зарба зада, ӯро захмӣ кардааст. Зан бо ҷароҳатҳои вазнин дар беморхона бистарӣ шудааст.

Зимнан зикр гардид, ки аз рӯйи ин далел мутобиқимоддаи 110, қ. 2-и КҶ ҶТ (Барқасдона расонидани зарари вазнин ба саломатӣ) парвандаи ҷиноӣ оғоз гардида, тафтиш идома дорад.