Мақомоти тафтишоти Кумитаи тафтишоти Русия дар шаҳри Санкт-Петербург оид ба далели ҳалокати шаҳрванди 44-солаи Тоҷикистон бар асари аз баландӣ ба замин афтодан тафтиши пешакӣ мегузаронанд.

Бино ба иттилои Кумитаи тафтишоти Русия дар шаҳри Санкт-Петербург , субҳи 28-уми майи соли равон ҳангоми анҷом додани корҳои таъмиру сохтмон дар майдони техникии хонаи рақами 7 дар кӯчаи Партизани ин шаҳр ҷабрдида аз баландии ҳудуди 3 метр ба поин афтода, ба бемористон бистарӣ шудааст. Аз ҷароҳатҳои бардошта ӯ дар бемористон ба ҳалокат расидааст.

Гуфта мешавад, айни замон ҷиҳати муайян кардани ҳолатҳои ҳодиса маҷмӯи чорабиниҳои санҷишӣ гузураонида шуда, аз рӯи тафтиши пешакӣ қарори мурофиавӣ қабул карда мешавад.