Соати 06-у 58 дақиқаи субҳи имрӯз дар қаламрави Тоҷикистон заминларза ба қайд гирифта шуд.

Тавре ба «Азия-Плюс» сардори маркази матбуоти Кумитаи ҳолатҳои фавқулода ва мудофиаи граждании назди ҳукумати ҶТ Ориф Нозимов хабар дод, маркази заминларза дар 32 километрии ҷанубу ғарби Душанбе ва 42 километрии ҷанубу шарқи шаҳри Хоруғ муқаррар шудааст.

Ба иттилои манбаъ, қувваи заминларза дар маркази он 5-6 балл, дар шаҳри Хоруғ –4-5 балл ва дар қаламрави кӯли Сарез дар Вилояти Мухтори Кӯҳистнони Бадахшон - 1,8 баллро ташкил додааст.

Зимнан зикр гардид, ки талафоти ҷониву харобиҳо аз заминларза бақайд гирифта нашудааст.