Субҳи рӯзи якшанбеи ҳафтаи сипаришуда дар минтақаи ҷанубу ғарби шаҳри Маскав ҷасади ду шаҳрванди Тоҷикистон дарёфт шуд.
Бино ба иттилои васоити ахбори умуми Русия, шаҳрвандони Тоҷикистон аз ҷониби афроди номаълум ба қатл расонида шуда, айни ҳол ду нафар мардон ва як духтар ба гумонбарӣ дар даст доштан ба ин куштор мавриди ҷустуҷӯ эълон шудаанд.
Дар ҳамин ҳол, сафорати Тоҷикистон пайи таҳқиқ ва маълум намудани ҷузъиёти ҳаводиси куштори шаҳрвандонаш масъулинашро ба ҷойи воқеот фиристод.
Бино ба иттилои намояндаи расмии сафорати ҶТ дар Русия Муҳаммад Эгамзод, ҳамчунин кормандони масъули Намояндагии Вазорати меҳнат, муҳоҷират ва ҳифзи иҷтимоии аҳолии ҶТ оид ба муҳоҷират дар Русия пайи таҳқиқ ба қисмати ҷанубу ғарби Маскав, кӯчаи Миклухо Маклай сафарбар шуда, ин ҳодисаро пайгирӣ доранд.
«Сафири Тоҷикистон Имомуддин Сатторов ҷараёни ин ҳаводисро таҳти назар гирифтааст. Сафорат аз мақомоти русӣ талаб намуд, ки маълумоти расмӣ ва дақиқ дар робита ба ин ҳаводисро пешниҳод намояд», - иброз дошт намояндаи расмии сафорат.
Ёдрас мекунем, ки як рӯз қабл, 11-уми октябр шаҳрванди 26-солаи тоҷик Баҳриддин Шаропов дар Маскав аз ҷониби афроди славянитабор ҳадафи ҳамла қарор гирифта, 3 зарби корд хӯрд ва ба бемористон мунтақил шуд.
Ба гуфтаи Эгамзод, айни замон Бадриддин дар шуъбаи эҳёгарии бемористони №7-и ноҳияи Коломенкскии шаҳри Маскав бистарӣ аст.
«Сафири Тоҷикистон дар ФР Имомуддин Сатторов, ки аз субҳ дар ҷараёни ин ҳодиса буд, дастур дод, ки аз аҳволи ин шаҳрванд мунтазам огоҳ бошем. Ҳамчунин, аз ҷониби мақомоти русӣ талаб шудааст, то ҳарчи зудтар аз рафти таҳқиқ ва тафтишоти ин ҳодисаи хунин сафоратро дар ҷараён гузоранд», - афзуд номбурда.




Бозии тақдирсоз. Пагоҳ тими миллии футболи Тоҷикистон дар Ҳисор Филиппинро пешвоз мегирад
Аз ифтитоҳи чанд бинову корхона то нигаронӣ аз рушди саноат ва кори ташкилотҳои қарзӣ. Эмомалӣ Раҳмон дар Суғд кадом иншоотро ифтитоҳ кард ва чӣ гуфт?
Як соҳибкор дар Суғд барои таҷлили зодрӯзаш 117 ҳазор сомонӣ ҷарима шудааст
"Аудиокитоб" бо Субҳон Ҷалилов. Асари "Таърихи инқилоби Бухоро"-и Садриддин Айнӣ |Қисми 55
Трамп гуфтааст, ки мехоҳад нафти Эронро дар ихтиёр бигирад
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 30 марти соли 2026
Шахси калидӣ барои музокирот ё ходими содиқи низом. Муҳаммадбоқир Қолибоф кист?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 29 марти соли 2026
Аз оғози кушторҳои пайдарпай дар Конибодом ду сол гузашт. Ангезаи кушторҳо чӣ буду гумонбарон чӣ ҷазо гирифтанд ва чанд кас кушта шуд?
Даргузашти Маҳмудхон Шоев, рӯзноманигор ва ректори пешини Донишкадаи омӯзгории Рашт
Кулли ахбор
Авторизуйтесь, пожалуйста