Бар асари раъду барқи шадид дар минтақаи шимоли ҷумҳурӣ як писари ноболиғ ҷони худро аз даст дод.

Роҳбари маркази матбуоти Раёсати ВКД ҶТ дар вилояти Суғд Акбар Шарипов ба «Азия-Плюс» дар ин робита иттилоъ дод, ки нимаи дуюми рӯзи 1 май дар ноҳияи Ашт писарчаи 6-сола дар пайи зарбаи раъду барқи шадид ҳалок шудааст.

Ёдрас мекунем, ки ин ҳодисаи нахустини ҳалокати одамон бар асари раъду барқ дар вилояти Суғд нест. Рӯзи 6 апрели соли равон низ сокини 32-солаи ҷамоати Нофароҷи ноҳияи Истаравшан А.Ф. низ дар натиҷаи зарбаи раъду барқ ҳалок шуда буд.