Ҳавопаймои хатсайри Новосибирск - Душанбе бинобар сабаби бад шудани вазъи солимии яке аз мусофирон, зани 30-сола аз маъмурияти фурудгоҳи шаҳри Барнаул фурудоии изтирориро дархост намуда, ба майдони ҳавоии ин шаҳр нишастааст.

Бино ба иттилои хабаргузории РИА Новости бо истинод ба кормандони фурудгоҳи Барнаул, табибони мошини ёрии таъҷилии тиббӣ муайян кардаанд, ки зимни парвоз дарди эпилепсияи ин мусофир хурӯҷ карда, ӯро ба бемористони шаҳр фиристодаанд.

Гуфта мешавад, ин ҳавопаймо, ки мутааллиқи ширкати «Сибир» будааст, баъди дубора дастрас кардани маводи сӯхт аз фурудгоҳи шаҳри Барнаул ба Душанбе раҳсипор шудааст. Муддати вақти нишасту ба бемористон интиқол додани мусофири бемор ва парвози дубора каме бештар аз 1,5 соатро ташкил додааст.