Қарибиҳои шоми рӯзи шанбеи ҳафтаи сипаришуда ба беморхонаи «Насл», воқеъ дар кӯчаи Н.Ҳувайдуллоеви шаҳри Душанбе зани шахсияташ номаълум писарчаи 1-солаи худро барои азназаргузаронӣ ба назди духтур овардааст.

Бино ба иттилои маркази матбуоти ВКД Тоҷикистон, ҳангоми муоинаи духтур муайян карда шудааст, ки кӯдакаш вафот кардааст. Аз ҷониби кормандони милитсия модари кӯдаки фавтида, зани 28-солаи истиқоматкунандаи шаҳри Турсунзода ҳамчун гумонбар дар расонидани зарари вазнини ҷисмонӣ дастгир гардид.

Гуфта мешавад, муайян карда шудааст, ки гумонбаршуда кӯдаки худро лату кӯб намуда, дар натиҷа хурдсол ҷароҳати вазнини ҷисмонӣ бардошта, ба ҳалокат расидааст. Нисбати далели мазкур парвандаи ҷиноятӣ оғоз гардида, тафтишот давом дорад.