Дар маркази савдои «Далён»-и шаҳри Душанбе, воқеъ бо суроғаи хиёбони Борбад-111, рӯзи 30 апрел тахминан соатҳои 11-30 дақиқа сӯхтор сар зад.

Бино ба иттилои дафтари матбуоти ВКД Тоҷикистон, сӯхтор майдони беш аз 20 метри болопӯши биноро фаро гирифта, ба оташнишонон дар муддати кӯтоҳ хомӯш кардани он муяссар шудааст.

Гуфта мешавад, сабаби сар задани сӯхтор расиши кутоҳи ноқилҳои барқӣ дар гӯшаи эълонҳо (реклама) буда, зарари расонидашуда беш аз 5 ҳазор сомонӣ ва молу амволи аз оташ эмин нигоҳдошташуда зиёда аз 630 ҳазор сомониро дар бар мегирад.