Дар ноҳияи Деваштичи вилояти Суғд ду узви як оила аз дуди ангишт зарҳролуд шуда, яке фавтида, дуюмӣ дар ҳолати вазнин қарор дорад. Ҳодисаи заҳролудшавӣ аз ангишт шаби 5-уми январи соли равон дар деҳаи Қалъаи Дӯст, ҷамоати деҳоти Ваҳдати ноҳияи Деваштич рух додааст.
Ҳоҷисайдалӣ Саидов, раиси кумитаи маҳаллаи деҳаи Қалъи Дӯст дар суҳбат бо “Азия-Плюс” , гуфт, заҳролудшудаҳо зану шавҳар Ҳоҷисаидбаён Саидмуродови 80-сола ва Нурӣ Саидмуродоваи 77-сола мебошанд.
Ӯ бо истинод ба Саидаброр Саидмуродов фарзанди марҳум афзуд, ки ҳодиса шаби 4-5-уми рух додааст ва вақте онҳо субҳ ба дидорбинии онҳо рафтанд, аллакай падараш фавтидаву модараш аз ҳуш рафта буд.
Гуфта мешавад, ки онҳо танҳо мезистанд ва эҳтимол вақте дуд хонаро фаро гирифт, онҳо хоб буданд.

Ҳоло рӯзи чорум аст, ки Саидмуродова Нурӣ дар шуъбаи эҳёи беморхонаи марказӣ бистарӣ аст.
Келдимурод Қодиров, духтури шӯъбаи эҳёи Беморхонаи марказии ноҳияи Деваштич дар суҳбат бо “Азия-Плюс” ҳолати занро миёна арзиёбӣ кард ва гуфт пагоҳ ба шуъбаи табобатӣ мегузронанд.
“Соати 9:00-и рӯзи 5-уми январ бемор, Нурӣ Саидмуродоваро ба беморхона оварданд, ки дараҷаи заҳролудшавӣ вазнин ва беҳуш буд. Бо воситаи кислород ва дигар кӯмаки аввалияи тиббӣ организми занро аз гази карбон тоза кардем”, - гуфт ӯ.
Ба иттилои номбурда, давоми як ҳафтаи соли равон ин дуввумин ҳодисаи заҳролудшавии сокинони ноҳия аст. Рӯзи 2-юми январ як ҷавон аз деҳаи Хуҷаҳои ҷамоати деҳоти Ваҳдат бо аломатҳои заҳролудшавӣ бистарӣ шуда буд.
Ёдовар мешавем, ки ҳамасола дар фасли сармо сокинон, ба хусус дар деҳот барои гарм намудани хонаҳояшон аз ангишт истифода менамоянд. Роҳҳои нодурусти истифодаи ангишт боиси заҳролудшавии инсон мегардад, ки оқибаташ ҳатто марг буда метавонад.
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 27 апрели соли 2025
Таркиш дар як бандари Эрон. Расонаҳо аз 4 кушта ва беш аз 500 захмӣ хабар медиҳанд
Русия бори аввал эътироф кард, ки дар Курск низомиёни Куриёи Шимолӣ меҷанганд
Медали нуқраи Сомон Маҳмадбеков ва биринҷии Абубакр Шеров. Натиҷаи рӯзи дуюми мусобиқоти қаҳрамонии ҷудои Осиё
Қаҳрамонии як тоҷик дар Маскав. Ӯ сӯхтори мошинро хомӯш кардааст
Дар Душанбе ва Хатлон сохтмонҳои "худсарона сохта"-ро тахриб мекунанд. Қонунгузорӣ дар ин бора чӣ мегӯяд?
Қоҳир Расулзода дар Маскав бо Михаил Мишустин ҳамкории тиҷоратии Тоҷикистону Русияро баррасӣ кард
Филми “Сарчашма” аз Тоҷикистон дар Қирғизистон соҳиби ҷоизаи “Таваҷҷуҳи тамошобин” шуд
Аз 1 май меъёри аксиз барои бензину газ боло меравад. Ин ба нархи маҳсулот ва хидматрасониҳо чӣ таъсир мерасонад?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 26 апрели соли 2025
Кулли ахбор
Авторизуйтесь, пожалуйста