Ҷасади ду тифли дигаре, ки бар асари садамаи нақлиётии пурсарусадо дар ноҳияи Абдураҳмони Ҷомӣ дар дарёи Вахш ғарқ шуда буданд, пайдо ва ба хок супорида шуданд.
Кумитаҳои ҳолатҳои фавқулода ва мудофиаи гражданӣ дар вилояти Хатлон мегӯяд, ки ҷасади Барнои 6-сола ва Фаридуни 4-соларо ҳам ахиран аз дарёи Вахш пайдо карда, ба хонаводаашон супоридаанд, то ба хок супоранд.
Бояд гуфт, ки дар пайи ин садама, ки рӯзи 21-уми июл рух дод, дар маҷмӯъ 6 нафар ба ҳалокат расида, ду нафари дигар ҷароҳат бардоштааст.
Аз ҳалокшудагон 5 нафарашон узви як хонавода будаанд.
Онҳо Тухтарой Мустафоқуловаи 65-сола, Бибизайнаб Гулмирзоеваи 26-сола, Барно Юлдошеваи 6-сола, Фаридун Юлдошеви 4-сола ва Лайло Юлдошеваи 1-сола будаанд.
Ҳамин тавр, ронандаи нақлиёт Диловар Давлатов дар пайи ин садама ба ҳалокат расидааст. Ҷасади ронанда ва се тани дигар қаблан ёфт шуда ва ба хок супорида шуда буданд.
Мусофирони дигари автомашинаи мазкур – Ҷӯрабек Менгиқулов ва Ҳусейн Менгиқулов, сокинони ноҳияи Ёвон дар пайи ин ҳодиса ҷароҳат бардошта, дар беморхона бистарӣ гардидаанд.
Бояд гуфт, ки рӯзи 21-уми июл бар асари ба дарё сарозер шудани як мошин дар ноҳияи Абдураҳмони Ҷомии вилояти Хатлон, ронанда ва 5 тан аз мусофиронаш ба ҳалокат расиданд. Баъдан дар шабакаҳои иҷтимоӣ навори ин садама бо шарҳи ин ки он бо таъқиби маъмурони БДА рух додааст, нашр шуд.
Бо гузашти чанд рӯз аз ҳодиса, Вазорати корҳои дихилии Тоҷикистон дар пайи таъқиби кормандони БДА ба дарё афтодани мошин дар ноҳияи Абдураҳмони Ҷомиро рад кард.
Ҳамин тавр, рӯзи 26-уми июл муовини додситони вилояти Хатлон Валӣ Ваҳҳобов зимни нишасти матбуотӣ гуфт, ки “ҳодисаро айни замон прокуратураи вилоят таҳқиқ дорад”.
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Кулли ахбор
Авторизуйтесь, пожалуйста