Бар асари садамаи нақлиётие, ки дирӯз, 29-уми октябр, дар вилояти Актубеи Қазоқистон рух дод, як шаҳрванди Тоҷикистон ва як шаҳрванди Ӯзбекистон ҷон бохтаанд.

Дар ин бора сомонаи расмии polisia.kz хабар медиҳад.

Дар хабар ному насаби шаҳрванди Тоҷикистон ишора намешавад, танҳо гуфта мешавад, ки ӯ 34 сол дошта, дар шоҳроҳи Самара-Шимкент ба мошини шаҳрванди 31-солаи Ӯзбекистон бархӯрдааст.

Ҳамчунин, бар асари садамаи нақлиётӣ, як мусофир ниҳз ба ҳалокат расидааст, аммо аз ӯ ҳам ном бурда намешавад ва мавълум нест, ки ӯ шаҳрванди кадом давлат аст.

Ду мусофири дигар бо ҷароҳатҳои мухталиф дар бемористони вилоятии Кобда бистарӣ шудаанд.

Нисбати ҳодисаи садамаи нақлиётӣ тибқи моддаи 345 қисми 4-и Кодекси ҷиноятии Ҷумҳурии Қазоқистон тафтишоти пешакӣ оғоз шудааст.

Дар Telegram, Facebook, Instagram, OK ва ВК бо мо бимонед.