Дар ноҳияи Ҷаббор Расулов як балони газ таркида, сабаби ҷароҳат бардоштани навраси 13-солаи ноҳия шудааст.

Ба иттилои Кумитаи ҳолатҳои фавқулода (КҲФ), ин ҳодиса рӯзи 14-уми сентябр дар хонаи Меҳроҷ Самадов, як сокини шаҳраки Меҳрободи ноҳияи мазкур “бо сабабҳои номаълум” рух додааст.

Мақомот гуфтаанд, ки сабаби инфиҷорро муайян мекунанд.

Наврасе, ки дар пайи ин ҳодиса ҷароҳат бардоштааст, ҳоло дар бемористон қарор дорад.

Бояд гуфт, ки сокинони рустоҳои Тоҷикистон барои омода намудани хӯрок аз балонҳои гази моеъ истифода мекунанд. Таркиши балонҳо дар гузашта ҳам рух дода буд ва сабаби захмиву дар баъзе ҳолатҳои марги сокинони гардида буд.

Аз ҷумла, моҳи майи соли 2023 бар асари таркиши балони гази моеъ дар нуқтаҳои тезтаёри назди бозори марказии ноҳияи Панҷ 28 нафар ҷароҳатҳои гуногун бардошта, 1 тани онҳо фавтида буд.

Дар Telegram, Facebook, Instagram, OK ва ВК бо мо бимонед.