Душанбе. 15-уми август. ОИ «Азия-Плюс» - Дар истгоҳи қатораи мусофирбари пойтахт кормандони шӯъбаи мубориза алайҳи муомилоти ғайриқонунии Раёсати умури дохилӣ дар нақлиёт ба гумони нигаҳдории ғайриқонунии маводи мухаддир толибилми синфи даҳуми мактаби миёнаи рақами 5-и шаҳри Кӯлобро дастгир намуданд.

Аз дафтари матбуоти Вазорати умури дохилии Тоҷикистон ба ОИ «Азия-Плюс» хабар доданд, ки ҳангоми кофтукови борхалтаи боздоштшуда ҳудуди 1 кило маводи мухаддири навъи марихуана дарёфт ва мусодира карда шудааст.

«Нисбат ба ин далел парвандаи ҷиноӣ оғоз гардида, нашъафурӯш ба ҳабс гирифта шуд», - афзуд манбаъ.