Душанбе. 16-уми август. ОИ «Азия-Плюс» - Дар ноҳияи Сарбанди вилояти Хатлон пас аз як соли ҷустуҷӯ дузди ноболиғ дастгир карда шуд. Аз дафтари матбуоти Раёсати умури дохилии вилоят ба ОИ «Азия-Плюс» хабар доданд, ки кормандони мақомоти ҳифзи ҳуқуқ хонандаи синфи 9-и мактаби таҳсилоти умумии рақами 6 Д.Х.-ро ба гумони даст доштан дар дуздӣ (моддаи 248 Кодекси ҷиноии ҶТ) датгир карданд.

Бино ба иттилои манбаъ, ҷиноят моҳи июли соли гузашта содир гардида, боздоштшуда аз хонаи ҳамсоя ба маблағи 3 ҳазор сомонӣ молҳои қиматбаҳоро ғорат карда буд.

«Ӯ муддати беш аз як сол молҳои дуздидаро дар хонааш пинҳон кардааст ва зимни дастгир намудан онҳо чун далели шайъӣ мусодира карда шуданд», - афзуд сарчашма.